طير الحب الزاجل..بين حسن سلامه وغفران الزامل
د.غازى كلخ
طير الحب الزاجل
من نابلس حامل مكتوب
للفارس حسن المحبوب
مكتوب بدمع القلب المتواصِل
من جبل النار لزنزانه هناك
في قسم العزل الإنفرادي
تحت الأرض ستعشر مدماك
تلتعشر سنه عن ألف عتمه وصقعه
من غير وَنَس ياربي سِواك
طير الحب الزاجل
عابر للأسوار والأشواك
مش لاقي ولا محتاج طاقه ولا شبّاك
حامل مصحف وسجّاده ومِسواك
ومكتوب للفارس حسن المحبوب
غُفران الزامل يا حسن سلامه بتستنّاك
صادقه واثقه إنها ح تمضي باقي العُمر يا حسن معاك
غصبن عن عين باراك
في خانيونس الجده " أم نبيل " بتهاهي وتنشد مواويل ليالي سَمَر زمان
وهي ّبتهِز في سرير حامد.. إبن الغالي حسن وغُفران
ثمرة إضراب الكرامه في ثورة الأسرى ع قهر السجّان
مكتوب " غُفران " مكتوب بنور الصبر والإخلاص
يطَمّن قلب " حسن ".. يصَحّي يوَعّي ضمير الناس
مكان البلابل فوق الأغصان مش فِ الأقفاص
والإسود إن إنجرحت تكسر السلاسل
وتفتَرس الحُرّاس
لمّا الواوي يصيرملك الغابه
ومستشارو فار أو نِسناس
تنقلِب الأرض خرابه.. لو يحكمها أشرار الناس
سجون بني صهيون يا "بان كي مون " شاهد إثبات عليك
ياراس الشرعيّه الدوليه
شعب بحالو مسجون مطحون.. أربعه وستين سنه.. معميّه عنو عينيك
مشروع " هرتزِل " نازيّه جديده وأرزَل
ح تِتزَلزَل أركانو
بَلّغ "أوباما " والرُباعيّه
زمن العًنصريّه وَلَّى ومات
ثورة الكرامة رسمت ملامح النصر الآت
الحُريّه عروسه مَهِرها جوع ودموع و دَم
والأهَم ..في القلب مكتوبه الآيات
سُبحان من بعبده أسرَى .. )
ح يتحرَّرو الأسرَى
وترتفع ع الأقصَى للإسلام رايات
..................................
فيديو القصيده
تارابط
http://www.youtube.com/watch?v=P_BFDDSZ6oI
Cl
ليست هناك تعليقات:
إرسال تعليق