ولاد الحاره... حارتنا

3

ولاد الحاره

ولاد الحاره حارتنا ...ولاد زي ّالعفاريت
عملو البوص خنجر... والحَصو ديناميت
وتراب الحاره.. حارتنا .. كُحل معَطـَّر
بدم " أبو حسن " الاخضر
مِسْك وعنبَر
زيُّو كتير لفـِّيت ما لقيت
كان من طينة أبويي
ببحلم ب
بِ (الجَلديه)
ولـُقمه طريّه
وحَج البيت
"أبو حسن " الأخضر.. راح فِ الغارَه
عظمو إنخَلـَط بقرميد البيت
ساعتها....
ولاد الحاره... حارتنا
صارو ولاد عفاريت
و " الجحجوح " صار ناي
لمَّا بيعزف بنزِف
ياسمين يفوح
أتاري شرش " الجحجوح "
مارِد.. فارِد.. مادِد
بيغرف من قاع الجوره
ألحان.. أحزان البحر المجروح
والسَمَك الطالع.. بيتفَعفَط .. بينوح
على روح الحج "الجحجوح"
ال كان بيدافع عن بيتو فِ الجوره
ولقوه مذبوح
ولاد الحارة حارتنا ولاد العفاريت
حلفو بدمو وكَسْر الها
ليخلـُّو الكلاب المسعوره تجوح
والكياس السُودا إلها
توابيت
ولاد الحارة حارتنا ولاد العفاريت
عملو من عظم "أبو حسن " الأخضر
و " الجحجوح "
صوابع ديناميت
(المركفاه )
طارت صارت فتافيت
شوفو ولاد الحارة حارتنا
ولاد العفاريت !!!!!

جورة سَو

2

جورة سَو

ياللي بتفحَر جورة سَو

رجلك بُكره بتوقع فيها

واللي بينفخ سَم في الجو

يسِمُّو السَم..

ويقلِب دارو عاليها واطيها

والغافِل عن أعمال الشر

تسلم دراو .. ربُّو حاميها

عَهد الله يدافع عنو

النار بتاكـُل في بعضيها

يللي تغِش المسلم أخوك

نار إبليس .. الله بيطفيها
.....................................

المجموعه الشعريه الأولى

للشاعر

د. غازى كلخ

إبن المخيم يا ولد

1

رجال بلادي

والله يا بلدي وفيكي رجال

رجالك عُظما ... رجال ملاح

باعوا الدنيا.. قالوا ما تسوَى

رِجْل بعوضة ولاّ جْناح

والله يا بلدي وفيكي رجال

سيوف  رماح

 لمّا تكون القدس عروسة

المال بيرخص والأرواح

والله يا بلدي أصيلة خيولك

والفرسان

إن صارت مُرّه .. وطاح حصان

يفِز حلالو..  أو من حالو

يخلي الساحة والميدان

والفارس فارس مهما ن كان

يضحّي بحالو  فِدا الأوطان

الذخيره  يا بلدي وراس المال

دم الشهدا مِسْك وفاح

غطـَّى سهول وغطـَّى جبال

ديك بلادي لالا وصاح

والله يا بلدي وفيكي  جنين

وعز الدين

وفيكي يا بلدي الحجّة "مليحة بنت رباح"

باعَت  (وقاتها  ) ..إشترَت سلاح

قوت ولادها للثوار

في عِبّها مخبَّا  قشان الدار

والمفتاح

في السوافير صَلـَّت صامت

ليلها وقامَت

لحد مشقشق فجرولاح

رَبَّت وطني طبيب جراح

دَاوَى ..  طبَّب .. عَلـَّم .. دَرَّب

كيف المشرَط يشفي جراح

يبني بَلدو  مهندس عامل أو فلاح

والله يا بلدي وفيكي رجال  

فيكي العُلمَا

وفيكي  الحُكمَا

وفيكي يا بلدي رجال ملاح

.............................

المشاهده والإستماع

الرابط

http://www.youtube.com/user/ghazkalakh?feature=mhee#p/u/85/flHqj_4-oYA

قصيدة يام محمد ..

 قصيدة...  يام محمد 

د. غازى كلخ 

على الرابط

http://www.youtube.com/watch?v=qNQh_HjJtT0

مجنون ليبيا

مجنون ليبيا

د.غازى كلخ

مجنون ليبيا ..

" نيرون "

حَطّ واطي عنو

شيطان ملعون

حتى إبليس إتبَرّأ منو

دراكولا ..

قذَاف دم سَفّاك

أشهَد لله إنو

من شارون وهتلر أخَس

خلِّص يا رب ليبيا

و طرابلس

من إجرامو وجِنو

ورَيّحنا يارب من المجنون

والمعتوه ...

سيف ضِد الإسلام .. إبنو

................................

المشاهده والإستماع

الرابط

http://www.youtube.com/user/ghazkalakh?feature=mhee#p/u/19/6YPCZnHa-58